പട്ടിണി ആയിരുന്നവൻ ഒരു വീട് വെച്ചു വീടിനു ജനാലയും വാതിലും ഇല്ല ....... വീടിന് മുറികൾ ഏതുമില്ല .. മൂടി അടഞ്ഞോരു വീട് ... പകരം വിശന്നിരുന്നൊരു അടുക്കള പണുതവൻ വലിയ അടുപ്പുള്ള ഒരടുക്കള ... അടുപ്പിനുള്ളിൽ തീയില്ല ..പുകയുമില്ല പുറത്തു പോകാൻ വഴിയില്ലാതാകെയാൽ അടുപ്പിനുള്ളിൽ ഒരു തുരങ്കം ഉണ്ടാക്കി അപ്പോഴും വിശപ്പായിരുന്നു അവന്. പട്ടിണി തിന്നൊരൊട്ടിയ വയറും കുഴിഞ്ഞ കൺകളും... ഇക്കഴിഞ്ഞ നാൾ പട്ടിണി കിടന്നവൾ മരിച്ചുപോയി. ബാക്കിയായത് അമ്മയില്ലാത്ത രണ്ടു കുഞ്ഞുങ്ങളും ...... വിശന്നു ചാവാറായ തൻ കുഞ്ഞുങ്ങളെ ഒരു കുടം വെള്ളത്തിനൊപ്പം ഈ കഴിഞ്ഞ രാത്രിയി- ലെപ്പോഴോ അവൻ വിഴുങ്ങിയിരുന്നു. വിശപ്പ് മൂത്തപ്പോൾ തുരങ്കം വഴി അവൻ ഇഴഞ്ഞു നീങ്ങി എത്തിപ്പെട്ട വഴിക്കൊടുവിൽ ഒരു കുന്ന് ... അത് കുന്നല്ല ..നാട്ടുകാർ തിന്നു വലിച്ചെറിഞ്ഞൊരു എച്ചിൽ കൂന .. അതിൽ നായ്ക്കളുണ്ട് പിന്നെ എലികളും .... അവൻ പിന്നെയും ഇഴഞ്ഞു...
"എന്റെ ഓര്മ കുറിപ്പ്" ഇതൊരു സ്വപ്നയാത്രയാണ് ഓര്ക്കാനും മറക്കാനും ആഗ്രഹിക്കുന്ന വര്ണ്ണങ്ങളുടെ , എന്റെ ഓര്മകളുടെ നിറക്കൂട്ട് .....