എന്‍റെ ഓര്‍മ കുറിപ്പ്

പുതു മഴയേ  പോയി വരൂ ഈ കനവുകളിൽ  നീ ചേർന്നലിയു (2) രാവുറങ്ങും  നേരം നിൻ നിലാവിൻ കുളിരിമയിൽ കാത്തിരുന്നു നിന്നെ മൺ ചിരാതിൻ ശോഭയിൽ പുതു മഴയേ  പോയി വരൂ ഈ കനവുകളിൽ  നീ ചേർന്നലിയു മനസ്സിൽ വിരിയും  പൂവു പോലൊരാ കനവിൽ എരിയും സ്നേഹമാണു നീ മനസ്സിൽ നിറയും പ്രണയ മിന്നിതാ മധുവിൽ ശലഭം  പോലെയായിടും എൻ പ്രാണനേ  പോയി വാ എൻ പ്രണയമേ നിൻ മിഴി നിറയാതെ പോയി വാ..... പുതു മഴയേ  പോയി വരൂ ഈ കനവുകളിൽ  നീ ചേർന്നലിയു (2) ഈ കനവുകളിൽ  നീ ചേർന്നലിയു..... -എസ്സ്.എൽ .............ശുഭം..............

പറയാതെ പോകയോ പിരിയാതെ നമ്മളീ... വഴിയോര യാത്രയിൽ നിറവാർന്നൊരോർമ്മയും നീയറിഞ്ഞോ.... പോയ കാലം...... അറിയാതെ പറയാതെ കണ്ണീരലിഞ്ഞു ഞാൻ.... ഇനിയും നീ വരില്ലേ... ഒരു വാക്കും.. ആ നോക്കും.... ഇട നെഞ്ചിൽ ചേർത്തു ഞാൻ പറയാതെ പോകയോ പിരിയാതെ നമ്മളീ... വഴിയോര യാത്രയിൽ നിറവാർന്നൊരോർമ്മയും നിൻ കാതിൽ മൂളിടാൻ... മറന്നൊരീണവും കെടാതെ വെച്ചൊരീ  പ്രിയമുള്ളൊരോർമ്മയും... ഇനി നമ്മളൊന്നായിടാൻ പിറന്നൊരീ വരി.... വഴിയോര യാത്രയിൽ നിറവാർന്നൊരോർമ്മയും --എസ്സ്.എൽ                -ശുഭം-

കാലമെ വീഴുമൊടുവി- ലെവിടെയൊ വീണ വഴിയിൽ ഞാൻ ഓർത്തൊരാ നൊമ്പരപ്പൂ നിന്റെ ഓർമ്മയിൽ ഞാൻ  നിന്നിടാം ഇനിയുള്ള കാലം നീ മുൻപോട്ട് പോയിടുക ഞാൻ വിരിച്ച വഴിയിൽ നിനക്കു പോയിടാം നീ നിന്റെ വഴിയിൽ ഒരു സൂര്യ ഗോളം പ്രകാശം പരിത്തിടേണം പിന്നെ ഉദയവും അസ്തമയവും താനെ വന്നിടും നീ മുൻപോട്ട് പോയിടുകൊരീ ജന്മം വന്നു ചേരും താരാ ഗണവുമീ പ്രപഞ്ചവും സാറിന് സ്നേഹപൂർവ്വം, ശ്രീകാന്ത്

നീ നിലയ്ക്കാതെ  പെയ്തൊരാ രാവിൽ ഞാനൊന്നറിയാതെ പാടി. ഒരു പെരുമഴയല്ല, പേമാരിയുമല്ല നിന്നെത്തണുപ്പിച്ച  രാക്കുളിർ കാറ്റും.  നിന്റെ കരിമിഴി  കോണിൽ വീണൊരാ തുള്ളി മഴ,ആ കണ്ണീരിൽ  ചേർന്നലിഞ്ഞു വീണു. ഈ രാവൊടുങ്ങുമ്പോൾ  ഞാനറിയുന്നു.  നിന്റെ കണ്ണീരിൻ ചൂടും ഒപ്പം ഈ കുളിർ കാറ്റിന്റെ മാധുര്യവും. ഇനിയും പെയ്യട്ടെ   ഈ ക്ഷണിത മഴകൾ നിന്റെ മിഴികൾ നനയാതെ ഇനിയും പെയ്യട്ടെ   വെറും ചാറ്റൽ മഴകൾ.    -എസ്സ്.എൽ

ചിങ്ങ മാസ പുലരിയിലെ ഉത്രാട രാവുദിച്ചു പൊന്നോണ പുടവയുടുത്ത്, പൂക്കളമെഴുതാൻ പോരുന്നോ... പൂങ്കുയിലേ പൂങ്കാറ്റെ . പൂക്കളമെഴുതാൻ പോരുന്നൊ തുമ്പയും തുളസിക്കതിരും പൊൻ വെയിൽ കോടി- യുടുത്ത് തിരു ഓണ നാളിതല്ലൊ  ഓണ പൊൻ കാലം തിരു ഓണ നാളിതല്ലൊ  ഓണ പൊൻ കാലം..... പൊൻ മണി ചോറ് വിളമ്പാം തേൻ മധുര പായസവും ആനന്ദ പൊൻ കതിരേകാൻ തിരു ഓണപ്പാട്ടും പൊന്നൂഞ്ഞാലും. ആവണി കോടിയുടുത്ത് തിരുവോണം കൂടാൻ പോരുന്നോ പൂങ്കുയിലേ പൂങ്കാറ്റെ  പൂക്കളമെഴുതാൻ പോരുന്നൊ.... ©️ എസ്സ്.എൽ

ഇനി എത്ര നാളിവിടെയീ പുണ്യ ഭൂമിയിൽ  പോയ കാലത്തിൻ  ദാർഷ്ട്ട്യവും ഹിംസയും, സ്മൃതികളിൽ  വീണൊടുങ്ങിടില്ല. മറക്കില്ലൊരിക്കലുമവരെ.... വീണു പോയവർ  വീഴാതെഴുന്ന് നിന്നവർ. ജീവൻ കൊടുത്തീ ജീവിതം തന്നവർ. ഒരൊറ്റ രാത്രിയിൽ നേടിയതല്ലീ സ്വാതന്ത്ര്യം. ഒരൊറ്റ രാത്രിയിൽ നേടിയതല്ലീ സ്വാതന്ത്ര്യം... മറന്നിടരുതാരുമിത് ഭാരതം... ഇതെൻ സ്വതന്ത്ര ഭാരതം ❤️ ©️ എസ്സ്.എൽ