എൻ്റെ പ്രണയം

എനിക്ക്  പ്രണയമായിരുന്നു

പത്തു മാസം കിടന്നൊരു വയറും 

വീഴ്ചകളിൽ കൂട്ടായൊരച്ഛനും 

താങ്ങായി കുഞ്ഞനുജനും 

അമ്മയ്ക്ക് ബാക്കിയായി  കുഞ്ഞനുജത്തിയും 

പഴയ ഇടനാഴിയും നടുമുറ്റവും 

മുത്തശ്ശി കഥയും തുലാവർഷവും 

പിന്നെ ഓർമച്ചെപ്പിലെൻ കുട്ടിക്കാലവും 

അതിൽ ചുവപ്പു മഷിയിൽ തീർത്ത 

സ്കൂൾ കാലവും .

കഴിഞ്ഞ നാൾ വഴിയിലെവിടെയോ 

മറന്നു  വെച്ചൊരെൻ  കൗമാരവും 

വിദ്യാലയാങ്കണത്തിലെ  കുസൃതിയും 

പിന്നെ മറക്കാനാവാത്ത കുറെ വിശക്കുന്ന 

വയറുകളും ;

ഉച്ച കഞ്ഞിക്കൊപ്പം ചിരിക്കുന്ന മുഖങ്ങളും .

പറയാതെ പറഞ്ഞ പ്രണയവും അതിലു - 

റങ്ങാതെ കിടന്ന ചില രാത്രിയും 

കാലം തന്നൊരു പാഠവും; അതിൽ 

പിരിയാത്തോരെൻ ഭാവനയും 

പിന്നെ വസു ദൈവ  പോലൊരു കുടുംബവും 

പ്രണയിക്കാൻ എനിക്കെന്തിനൊരു ദിനം 

പ്രണയമാണെല്ലാത്തിനോടും. 

ഇക്കഴിഞ്ഞ കാലവും; പോയ  തുലാ വർഷവും 

എല്ലാത്തിനോടും പ്രണയമാണെനിക്ക് .

-- എസ്സ്‌ .എൽ