നിഴൽ സ്വപ്നം

ഇന്നലെ ഉണ്ടായിരുന്നു ഒരു സ്വപ്നം 

പേടിപ്പെടുത്തുന്ന  ദുസ്വപ്നം 

ഇരുട്ടിൻറെ  മറവിൽ രണ്ടു പേർ 

ഒരു കൈക്കുഞ്ഞുമായി 

 അതിൽ ഒന്ന്  എന്നുടെ നിഴൽ 

മറ്റേത്  കാലം വരച്ചോരു  നിഴൽ പാട് 

നിഴൽ പാടിന്റെ  ഒപ്പമൊരു കൈകുഞ്ഞും 

വാവിട്ടു കരയുന്നൊരു   കുഞ്ഞു നിഴൽ പാട് 

 

അവൻ കരയുന്നതെന്നെ നോക്കി 

കുഞ്ഞു വിരൽ ചൂണ്ടി  

അമ്മ നിഴലിൻറ്റെ  തോളിൽ  കിടന്നവൻ 

കരയുന്നു 

കാലമേ നീയവൻ കരച്ചിൽ നിർത്തൂ 

മുലപ്പാല് ചുരത്തുന്ന മാതൃത്വമേ ഇനി 

നീയാണ് അവനു തുണ 

പിതൃത്വം  അറിയുന്ന രാവും മാതൃത്വമറിയുന്ന 

പകലും നീ തന്നെ.... 

നീ... തന്നെ അവനു  തുണ .

നിഴലുകൾ മായിച്ച വെളിച്ചമേ 

ഇന്നും നാളെയും ഇനി നിഴലിനെ കാത്ത് ....

-- എസ് .എൽ